Mankutimmana Kagga by D.V. Gundappa
ಜಲಧಿತೀರದಿ ನಿಂತು ವೀಕ್ಷಿಸಿಕ್ಕೆಲಗಳಲಿ । ಚಲವೊಂದಚಲವೊಂದು ಸಮವದಸಮವಿದು ॥ ಕಲೆತಿರ್ಪುವಂತು ಮೇಯಾಮೇಯಗಳು ಜಗದಿ । ಮಿಲಿತತೆಯಿನೀ ರುಚಿಯೊ - ಮಂಕುತಿಮ್ಮ ॥ ೯೯ ॥
jaladhi tIradi vIkShisi ikkelagaLali । chalavondu achalavondu samavadu asamavidu ॥ kaletirpuvantu mEya amEyagaLu jagadi । militateyinI ruchiyo - Mankutimma ॥ 99 ॥
ಸಮುದ್ರದ ತೀರದಲ್ಲಿ ನಿಂತು ಎರಡೂ ಬದಿಯಲ್ಲಿ ನೋಡಿದರೆ ಒಂದು ಕಡೆ ಸಮವಾಗಿರುವ ಕಡಲೂ ಇನ್ನೊಂದು ಬದಿಯಲ್ಲಿ ಅಸಮವಾಗಿರುವ ಭೂಮಿ, ಬೆಟ್ಟ ಗುಡ್ಡಗಳೂ ಕಾಣುತ್ತದೆ. ಇದರಂತೆ ಈ ಜಗತ್ತಿನಲ್ಲಿ ಹಲವು ಸಮವಾಗಿ ಮತ್ತೆ ಹಲವು ಅಸಮವಾಗಿಯೂ ಇವೆ. ಹೀಗೆ ಸಮತೆ ಮತ್ತು ಅಸಮತೆಯಿಂದ ಕೂಡಿ ಇರುವುದೇ ಜಗತ್ತು . ಕೆಲವು ನಮಗೆ ಅರ್ಥವಾಗುತ್ತದೆ. ಕೆಲವು ನಮ್ಮ ಅರಿವಿನ ಪರಿಧಿಯಿಂದಾಚೆಗೆ ಇದೆ. ಹೀಗಿರುವುದೇ, ಈ ಜಗತ್ತಿಗೆ ಸೊಬಗನ್ನು ನೀಡಿದೆಯೋ? ಎಂದು ಕೇಳುತ್ತಾ ಒಂದು ಗಹನವಾದ ವಿಚಾರವನ್ನು ಪ್ರಸ್ತಾಪಿಸುತ್ತಾರೆ ಮಾನ್ಯ ಗುಂಡಪ್ಪನವರು.
If one stands on the sea shore and watches either side; he sees one side (sea) moving, the other (land) stands still. One side is plain and other side has variety. Just like the such unlikes meet, this world is a amalgamation of things that we can see (and measure) and things that are beyond measure. Such blending creates this tasteful world. - Mankutimma
Video Coming Soon
Detailed video explanations by scholars and experts will be available soon.